21/11/2013 21:05:15

Shkodër, vdes 60 vjeçari: shtypet nga makina

Në pranga shoferi: ngjarja ndodhi në perëndim të unazës së qytetit

SHKODËR - Shyqyri Mezini, 60 vjeç, banues në qytetin e Shkodrës, gjeti vdekjen pasditen e së enjtes, si rezultat i përplasjes me një automjet te tonazhit të rëndë. Burime zyrtare nga policia e Shkodrës thanë se aksidenti ndodhi në aksin rrugor të unazës perëndimore, kur kamioni me targa të Podgoricës, që drejtohej nga shtetasi nga Mali i Zi, Fadil Sukoviç u përplas me 60- vjeçarin Mezini, i cili po ecte me biçiletë. Megjithë ndihmën e shpejtë që iu dha, Mezini, si rezultat i plagëve të rënda, ndërroi jete. Ekspertët e policisë po vazhdojne hetimet e duhura rreth këtij aksidenti, ndërkohë që shoferi malazez, Sukoviç, është shoqëruar për në komisariat, në pritje të vendimit që do të marrë prokuroria e rrethit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin