20/11/2013 15:05:00

Shërbimi i ri i Ambasadës Italiane në Posta.Më pak kosto për qytetarët

Nënshkruhet nesër marëveshja me Postën Shqiptare për lehtësimin e proçedurave të përkthimit dhe legalizimit të dokumenteve

TIRANE - Me qëllim lehtësimin dhe përshpejtimin e proçedurave të përkthimit dhe legalizimit, si dhe për të ulur shpenzimet e qytetarëve, Ambasada e Italisë ka nënshkruar një marrëveshje me Postën Shqiptare, falë se cilës, duke nisur nga data 1 dhjetor 2013, personat e intreresuar mund të paraqiten një herë të vetme pranë Zyrave Postare per të kërkuar njëkohësisht Vulën Apostile dhe përkthimin/legalizimin nga ana e Zyrës konsullore te Ambasadës.

Marrëveshja e re, përveçse do të lehtësojë proçedurat për publikun, do te bëjë të mundur të ulet ndjeshëm koha e nevojshme për legalizimin e dokumenteve (do te jenë të mjaftueshme vetëm 7 ditë pune per të marrë si vulën apostile ashtu edhe përkthimin ose legalizimin, me përjashtim të rasteve te jashtëzakonshme) dhe do te ulë shpenzimet për qytetarët: veç tarifave të shërbimit konsullor dhe vulës apostile, qytetarit do t’i duhet të paguajë për shërbimin postar 350 lekë në rast se do të paraqesë dokumentet në Tiranë ose 500 lekë nese do të dorëzojë dokumentet në njërin nga 8 qytetet tek të cilat ështe funksional sherbimi.

Shërbimi do te jete aktiv në Zyrat Postare qëndrore të Tiranës, Durrësit, Elbasanit, Pogradecit, Korcës, Shkodrës, Lezhës, Kukësit e Peshkopise. Marrëveshja do të nënshkruhet ditën e enjte, 21 nëntor, në orën 11.00, pranë Ambasadës së Italisë në Tiranë, nga Ambasadori Massimo Gaiani dhe Drejtori i Përgjithshëm i Postës Shqiptare Ardit Çela. Mediat janë të ftuara të marrin pjesë.

MËNYRAT E FUNKSIONIMIT TË SHËRBIMIT

PARAQITJA E DOKUMENTEVE ME OSE PA PËRKTHIM:

Ambasada italiane kryen eskluzivisht përkthimet në italisht të dokumetave të mëposhtme: Çertifikatave të gjendjes civile (Çertifikatë lindjeje, Çertifikatë personale, Çertifikatë të gjendjes familjare, Çertifikatë të trungut familjar, Estrakt akti lindjeje, Estrakt të aktit të martesës, Çertifikatë martese, Çertifikatë vdekjeje) dhe dëshmi penaliteti. Pra, këto lloj dokumentesh mund të dorëzohen të papërkthyera në Zyrat Postare.

Ndërsa, të gjitha dokumentet e tjerë duhet detyrimisht të dorëzohen në Zyrat Postare, të pajisura me përkthimin në gjuhën italiane, te kryer eskluzivisht nga Istituti italian i Kulturës ose nga një përkthyes i betuar i njohur nga Ministria e Drejtësise shqiptare (per listën e përkthyesve klikoni këtu). Ambasada italiane, në keto raste, do të marrë përsipër legalizimin e firmës së përkthyesit të betuar ose të funksionarit të Istitutit italian të kulturës, i cili ka kryer përkthimin.

PROCEDURAT E PARAQITJES SË DOKUMENTEVE:

Qytetari duhet thjesht të drejtohet në njërën nga 9 Zyrat Postare të autorizuara, gjatë orareve zyrtare të zakonshme dhe pa e patur të nevojshme të caktojë paraprakisht një takim, duke kërkuar shërbimin e kombinuar të Apostilës/Legalizimit pranë Ambasadës Italiane, duke paraqitur dokumentet me ose pa përkthim, në varësi të llojit të dokumentit (shih piken 1). Zyra Postare do t’i kërkojë qytetarit të plotësojë një formular i cili përmban të dhenat e tij personale dhe kontaktet telefonike (per cfarëdolloj komunikimi nga ana e Ambasadës) dhe do të kthejë dokumentet, të pajisura me vulën Apostile dhe përkthimin/legalizimin, brenda 7 ditë pune ( përveçse në rastet e jashtëzakonshme, për të cilat publiku do të jetë njoftuar më parë).

AUTORIZIMI PËR PARAQITJEN E DOKUMENTEVE:

Dokumentat mund te paraqiten pranë Zyrave Postare njësoj si nga titullari (i cili duhet të ketë me vete një dokument idenititeti) ashtu dhe nga një person i tretë, i paisur me autorizimin përkatës. Personi i tretë i autorizuar, duhet të ketë detyrimisht një fotokopje të dokumentit të identitetit të titullarit të dokumentit (tek i cili të jete e lexueshme mirë firma e të interesuarit) dhe një autorizim të nënshkruar nga ky i fundit ( KUJDES: firma tek autorizimi dhe ajo te dokumenti i identitetit duhet të jenë identike, ne rast të kundërt autorizimi nuk do të pranohet).

ÇMIMET E SHËRBIMIT TË PËRKTHIMEVE/LEGALIZIMEVE TË DOKUMENTEVE:

a) Përkthimi i çertifikatave të gjëndjes civile (Çertifikatë lindjeje, ertifikatë personale, Çertifikatë e gjendjes familiare, Çertifikatë e trungut familjar, Estrakt akti lindjeje, Estrakt akti martese, Çertifikatë martese, Çertifikatë vdekjeje): 7 euro për certifikatë;
b) Përkthimi i dëshmive të penalitetit: 14 euro për dëshmi;
c) Legalizimi i të gjitha akteve të tjera te përkthyera: 17 euro për dokument

SHËNIMN: Qytetarët duhet të paguajnë pranë Zyrave Postare ekuivalenten në lekë të tarifës konsullore të sipërpërmendur (çmimi në lekë ndryshon çdo tremujor, në bazë të taksës së këmbimit të përcaktuar nga Ambasada Italiane në Tiranë).

Për te gjitha sqarimet ose informacionet mbi sistemin e ri të përkthimit/legalizimit të dokumenteve pranë Ambasadës Italiane nëpërmjet Zyrave të Postës Shqiptare, publiku mund t’i drejtohet Zyrës Konsullore te Ambasadës italiane në Tiranë në adresën e email-it (cancelleriaconsolare.tirana@esteri.it) ose në numrin e telefonit (04 2275942). //komunikatë për shtyp// Na ndiqni dhe në Facebook dhe Twitter

Ardit Çela

Dërgo me email | Stampo artikullin