18/11/2013 13:21:58

Mblidhen vetearent e LNC-se ne Kukes

Perkujtojne 69 vjetorin e clirimit te qytetit

KUKES- Bashkia e qytetit të Kukësit ka lënë krejt mënjanë një nga ditët historike të qytetit verilindor, ditën e clirimit të tij nga forcat e brigadës 18-të. Sot në 69- vjetorin e clirimit bashkia nuk ishte kujtuar as për të vendosur ndonjë flamur në qendrën e qytetit.

Për këtë ngjarje ishin vetëm veteranët që u mblodhën në një sallë për të përkujtuar momentet e para të clirimit të qytetit nga trupat pushtuese gjermane. Në fjalën e tij, kryetari I shoqatës së veteranëve të rrethit, Enver Onuzi, theksoi se, kjo datë do të mbetet në memorien e popullit edhe pse nga disa drejtues po bëhen përpjekje per ta crrënjosur atë. Ai përkujtoi luftën e popullit të kësaj treve kundër pushtuesve të huaj nga 14 prilli i vitit 1939, kur qyteti i largët verilindor ra nën thundrën e pushtuesve italianë e deri në 18 nëntor 1944, kur u clirua përfundimisht.

Pas takimit përkujtimor të veteranëve, ata u drejtuan nga bashkia e qytetit duke protestuar për këtë harresë të saj. Ndërkohë, asnjë nga drejtuesit e bashkisë nuk pranuan të flasin për këtë harresë të saj.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin