18/11/2013 09:17:45

Bllokohen 400 kilogram hashash

Policia ve nen pranga 1 shtetas

GJIROKASTER - Të paktën 400 kg hashash u bllokuan mbrëmjen e djeshme, ndërsa një shtetas u ndalua, njoftoi sot policia e Gjirokastrës (foto) jug të vendit. “Lënda narkotike me origjinë nga Lazarati dhe destinacion Italinë, e ndarë në 250 pako me pesha të ndryshme, u bllokua pranë fshatit Subash, rreth 12 km larg Gjirokastrës në drejtim të Tepelenës”, thuhet në komunikatën e policisë.

Hashashi po transportohesh në automjetit furgon tip “Benz”, me targa VL 4811 C, me drejtues Luan Tahiraj, 34 vjeç, lindur dhe banues në Vlorë, tashmë i ndaluar. Policia saktësoi se lënda narkotike ishte fshehur mes thasëve me qepë dhe ullinj. Ky është i pesti aksion gjatë 7 ditë të fundit, ku policia e Gjirokastra ka bllokuar në territorin e saj mbi 1 ton hashash, me 3 të ndaluar dhe 8 persona të shpallur në kërkim.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin