15/11/2013 08:28:45

Deputeti Mark Verheijen: veç zgjedhjeve, Shqipëria s'ka bërë asgjë

Hollanda, vendi është i zhytur në korrupsion dhe krimi i organizuar duket i pamundur për t'u shkulur dhe pastruar

Hermesnews - “Në vendin tim, në Holandë, imazhi i Shqipërisë ka shumë punë për të përmirësuar” ky ishte pohimi ambasadorit të Holandës Martin De La Bej gjatë konferencës kombëtare të antikorrupsionit.

Pikërisht ky i mazh I deritanishëm I vëndit tonë ka prodhuar një skepricizëm tek parlamentarët holandez të cilët duhet të vendosin gjatë ditëve në vijim se cila do të jetë vota e Holandës për statusin e shqipërisë propozuar nga komisioni europian.

Pikërisht statusi I vëndit kandidat të Shqipërisë që do të vendoset në Dhjetor ka ngjallur vëmendjen e medias holandeze. Gazeta De Telegraaf në një shkrim të disa ditëve më parë shkruan se Holanda mund të jetë vëndi I parë në BE duke vendosur veton kundër dhënies së statusit të vëndit kandidat.
Me titullin Holanda nuk e do Shqipërinë në BE, kjo gazetë shkruan se shumica e TK (Dhoma e Dytë e Parlamentit, pra pa Senatin, është kundër dhënies së statusit kandidat.

“Komisioni Evropian do ta shohë Shqipërinë si anëtare të BE-s në të ardhmen, me kusht që vendi të luftojë korrupsionin dhe krimin e organizuar dhe të reformojë administratën publike dhe sistemin e drejtësisë. Zgjedhjet e pranueshme të verës së kaluar ishin një test i parë, për të cilin Komisioni do ta shpërblejë Shqipërinë” thuhet në fillim të shkrimit.

Duke marrë në analizë qëndrimet e politikës holandeze sipas De Telegraaf Qeveria Holandës kërkon me shumë progres nga Shqipëria përsa i përket reformave, por nuk e perjashton dhënien e statusit të vëndit kandidat. E ndërsa qeveria e këtij vëndi mund të jetë për dhënien e votës pro Shqipërisë në mbledhjen e Dhjetorit në Bruksel, De Telegraaf rendit partitë politike që janë kundër.

“Grupet parlamentare të VVD, CDA (Kristiandemokratët), PVV (ekstrem i djathtë), SP (ekstrem i majtë) dhe ChristenUnie (Bashkimi Kristian -- e djathtë) e shohin Shqipërinë si kandidaturë të papërshtatshme për anëtaresim në BE” thekson kjo gazetë.

Deputeti i VVD Mark Verheijen I cituar në artikull u shpreh se Eurofilët janë po aq të rrezikshëm se populistët e djathtë, duke shtuar. "Vec zgjedhjeve, Shqipëria s'ka bërë asgjë. Vendi është i zhytur në korrupsion dhe krimi i organizuar duket i pamundur për t'u shkulur dhe pastruar.Vëndi nuk është gati. Për më tepër, Europa nuk e perballon dot edhe një vend tjetër të dobët anëtar.

Mësimi nga hyrja e Bullgarisë dhe Rumanisë është që vëndet nuk duhet të anëtarësohen shumë shpejt sepse mundësitë absorbuese të BE-së janë të ezauruara. Por Komisioni Evropian është kaq i pasionuar pas zgjerimit, saqë po përsërit të njëjtin gabim. Këtë nuk mund ta lejojmë." Ka deklaruar deputeti Mark Verheijen.

Megjithatë parlamenti i Holandës nuk e ka marrë ende një vendim përfundimtar se cila do të jetë vota e Dhjetorit për statusin e Shqipërisë dhe vijimin e rrugëtimit europian. Na ndiqni dhe në Facebook dhe Twitter

Muhamed Veliu (Top Chanel)

Dërgo me email | Stampo artikullin