11/11/2013 12:20:47

Kakavije. Bllokohen kompjuterat

Rradhe te gjata ne dogane qe prej ores 10.00

GJIROKASTER- Një defekt në rrjetin kompjuterik në doganën greke të Kakavijes ka shkaktuar sot vonesa në qarkullimit të automjeteve dhe këmbësoreve në të dyja anët e kufirit, njoftoi policia kufitare e Gjirokastrës në jug të vendit. “Prej orës 10.00 të ditës së sotme kalimi i shtetasve dhe automjeteve në të dyja anët e kufiri u bllokua për arsye të mosfunksionimit të sistemit kompjuterik nga pala greke”, tha Gentian Mullai, zëdhënësi i Drejtorisë Rajonale të Kufirit dhe Migracionit. “Aktualisht situata pritet të normalizohet në mesditë me mbërritjen e ekspertëve nga qyteti grek i Janinës”, sqaron ai.

Në prefekturën e qarkut të Gjirokastrës, në kufirin Shqipëri-Greqi, funksionojnë me kohë të plotë dy pika vendkalime kufitare, ajo e Kakavijes, që ndodhet rreth 25 kilometra larg qytetit të Gjirokastrës, në drejtim të jugut dhe “Tre Urat”, që ndodhet rreth 22 kilometra larg qytetit të Përmetit, në drejtim të perëndimit. Ndërsa pikat kufitare e Sopikut, që ndodhet rreth 50 kilometra larg qytetit të Gjirokastrës, në komunën e Pogonit, funksionon vetëm për këmbësorët.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin