11/11/2013 12:04:57

Gjimnazistet elbasanas ne proteste

Protestojne kunder demontimit te armeve kimike

ELBASAN- Frika për mundësinë e demontimit të armëve kimike të Sirisë në Uzinën e Lëndëve Plasëse në Mjekës të Elbasanit ka bashkuar në një protestë të rinj të gjimnazeve të këtij qyteti. Të organizuar përmes rrjeteve sociale të rinjtë i kanë bërë thirrje të gjithë bashkëmoshatarëve të tyre t’i bashkohen nismës “Për një Shqipëri të pastër dhe pa mbetje kimike”.

Të rinjtë u tubuan në bulevardin kryesor të qytetit të Elbasanit duke e bllokuar atë për disa minuta në shenjë proteste. Protestës së të rinjve iu bashkuan me dhjetëra qytetarë të cilët ngritën zërin e tyre kundër armëve kimike. Sipas protestuesve, “Elbasani është aktualisht qyteti më i ndotur në Shqipëri dhe rajon, nëse i shtohen edhe armët kimike, ky qytet do të asfiksohet". Ata kanë deklaruar se “ne po synojmë që ta kthejmë Elbasanin në një qytet turistik me ndihmën edhe të Bashkisë, qe po investon në vepra arti, kulture dhe arkeologjike dhe jo të helmohemi nga demontimi i armëve kimike”.

Me moton "Jo armëve kimike", protesta u zhvendos nga bulevardi “Aqif Pasha” përpara dy institucioneve më të rëndësishme vendore, bashkisë dhe prefekturës. Nje proteste e tille u zhvillua edhe te dielen nga banoret e fshatit Mjekes, te .
cilet jetojne shume prane uzines ku perflitet se do te demontohen armet kimike.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin