06/11/2013 12:45:09

Zbulimet e reja të naftës në Berat

Në tregun botëror, nafta shqiptare konsiderohet në pikën kulmore dhe po regjistrohet rritje e interesit nga kompani të huaja dhe sipas analistëve të tregut vlerësohet me trend rritës

TIRANË - Kompanitë për kërkimin e naftës dhe gazit Petromanas dhe Royal Dutch Shell PLC, njoftuan arritje të rezultateve pozitive për praninë e naftës së lehtë në zonat e kërkimit Shpirag-2 dhe në Bllokun 2-3, në sipërfaqen 3.450 metrash katrorë në rrethin e Beratit. Në një njoftim në faqen e saj Petromanas Energy, njofton se operacionet e testimeve filluan në mes të muajit tetor me mbërritjen e gjithë pajisjeve të nevojshme. "Testimet konfirmuan aftësinë e pusit për rrjedhje të naftës së lehtë të naftës dhe sigurojnë vlefshmërinë e hershme për potenciale në Bllokun 2-3 si dhe investimet e konsiderueshme të realizuar deri tani. Edhe pse rezervat e karbonatit varen nga natyra poroze e rezrvuarit, jemi shumë të inkurajuar dhe kemi besim për sasitë e naftës që do të rrjedhin në zonën e parë", është shprehur Glenn McNamara, CEO i "Petromanas". "Petromanas" dhe "Shell" nisën testet për nxjerrje nafte në zonën naftëmbajtëse Shpiragu -2 në mes të muajit gusht. Na ndiqni dhe në Facebook dhe Twitter

Komunikatë për Shtyp

Dërgo me email | Stampo artikullin