05/11/2013 19:29:02

Rama fton mjekët jashtë

''Ftoj mjekët shqiptarë me karrierë jashtë vendit, të vijnë për të ndarë me ne ide e eksperienca, projektuar hapa e jetësuar nisma''

TIRANE - Kryeministri Edi Rama fton mjekët shqiptarë, me karrierë jashtë vendit, të vijnë në Shqipëri për një transformim sa më të shpejtë të sistemit shëndetësor. "Kam kënaqësinë të ftoj mjekët shqiptarë me karrierë jashtë vendit, të vijnë për të ndarë me ne ide e eksperienca, projektuar hapa e jetësuar nisma, që do t’i hapin rrugë transformimit sa më të shpejtë të sistemit shëndetësor shqiptar", shkruan Kryeministri Rama në rrjetin social facebook. Jemi të vendosur të bëjmë të mundur, sëbashku, shkruan Kryeministri, një shërbim shëndetësor cilësor të denjë për qytetarët tanë, suksesin tuaj dhe të nesërmen e gjeneratave të tjera. "Ndaj pres me shumë kënaqësi takimin tonë, që kalon përmes kësaj PO për Shqipërinë", thekson kryeministri në mesazhin e tij. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin