05/11/2013 15:09:15

Tatimet. 1.2 miliard leke me teper

Mbitejkalohet plani tatimor per muajin tetor

TIRANE- Administrata Tatimore ka arritur të mbledhë rreth 1.2 miliardë lekë më shumë se sa plani gjatë muajit tetor. Kjo shënon një kthesë të kësaj administrate, pasi nga fillimi i këtij viti, mosrealizimi i të ardhurave nga tatimet ka thelluar deficitin në buxhetin e shtetit.

Në një komunikim me mediat, Drejtorja e Përgjithshme e Tatimeve, Brisejda Shehu, deklaroi se plani për këtë muaj është realizuar në masën 106 %, krahasuar me planin e fillimvitit. Sipas Shehut, gjatë këtij muaji është zbuluar një vlerë e evazionit fiskal në masën 295 milion lekë, kryesisht shmangie nga detyrimi për të deklaruar dhe paguar tatimet dhe skemën e TVSH-së.

Niveli i ulët i realizimit të të ardhurave dhe performanca e dobët e kësaj administrate që nga fillimi i vitit ka rritur deficitin në buxhet. Sipas të dhënave nga Ministria e Financave, deficiti buxhetor në muajin shtator arriti në 26.9 miliardë lek.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin