30/10/2013 11:08:53

Gjirokastër, bllokohen 90 kg drogë

Largohen autorët, policia bllokon drogën

GJIROKASTER - Në vijim të operacioneve të njëpasnjëshme të zhvilluara ditët e fundit nga Sektori Kundër Narkotikëve në Drejtorinë e Policisë së Qarkut Gjirokastër ( foto) dhe Policia Kufitare e Kakavijes për “Goditjen e trafikut të lëndëve narkotike”, si dhe në zbatim të porosive të lëna një ditë më parë nga Drejtori i Përgjithshëm i Policisë së Shtetit Artan DIDI gjatë takimit me efektivat e policisë në qarkun Gjirokastër për rritjen e forcës goditëse ndaj trafikut të hashashit të prodhuar në Lazarat, një tjetër operacion është zhvilluar mbrëmjen e djeshme nga Specialistët e Sektorit Kundër Narkotikëve në Drejtorinë e Policisë së Qarkut Gjirokastër në bashkëpunim me Policinë Kufitare”dhe konkretisht:

Specialistët e Sektorit Kundër Narkotikëve në Drejtorinë e Policisë së Qarkut Gjirokastër rreth orës 23.30, të datës 29.10.2013 kanë marrë një informacion në rrugë operative se nga fshati Lazarat nëpërmjet kodrave në drejtim të Kakavijes po lëviznin tre shtetas me nga një çantë shpine të mbushur me lëndë narkotike.

Menjëherë Specialistët dhe Agjentët e Sektorit Kundër Narkotikëve në Drejtorinë e Policisë së Qarkut Gjirokastër, kanë njoftuar Policinë Kufitare dhe së bashku kanë organizuar dhe zhvilluar operacionin antidrogë ku nëpërmjet mjeteve logjistike kanë bërë të mundur të evidentojnë tre shtetasit mbi fshatin Goranxi në kodrat e këtij fshati që po transportonin nga një çantë shpine.

Specialistët e Sektorit Kundër Narkotikëve në Drejtorinë e Policise së Qarkut Gjirokastër së bashku me Efektivat Operacionale të Policisë Kufitare janë vënë në ndjekje të tyre, por shtetasit që transportonin lëndën narkotike, porsa kanë parë që i ndiqte policia kanë braktisur çantat dhe duke përfituar nga errësira kanë mundur të largohen nëpërmjet përroit mbi fshatin Goranxi.

Në vendngjarje ka mbritur grupi hetimor ku ka konstatuar tre çanta të mbushura me pako me lëndë narkotike të dyshuar Mariuanë, rreth 90 kilogramë gjithësej.

Mbi bazën e informacioneve të marra më parë në rrugë operative tre shtetasit që transportonin drogën janë evidentuar nga ana jonë dhe po vijon puna për kapjen e tyre. Na ndiqni dhe në Facebook dhe Twitter

Komunikatë për Shtyp

Dërgo me email | Stampo artikullin