24/10/2013 10:24:41

Kukës, mjegulla pengon trafikun urban: shpërndahen postoblloqet

Shfaqja e mjegullës së dendur e ka bërë stinën e dimrit të pranishme tashmë. Kjo pasi mjegulla sjell edhe një ulje të madhe të temperaturës

KUKËS - Një mjegull e dendur është shpërndarë sot në orët e mëngjesit në gjithë qarkun e Kukësit. Mjegulla e dendur e ka bërë të domosdoshme lëvizjen e mjeteve me shpejtëësi të kufizuar dhe me drita të ndezura. "Mjegulla e dendur ka vështirësuar ndjeshëm lëvizjen e mjeteve në të gjitha akset rrugore. Për mbajtjen nën kontroll të situatës janë shtuar postoblloqet e policisë rrugore në akset kryesore rrugore, veçanërisht në autostradën e kombit”, thanë burime zyrtare të policisë rrugore. Të njëjtat burime saktësuan se "u është kërkuar drejtuesve të mjeteve të lëvizin me drita të ndezura dhe me shpejtësi të ulur. Mjegulla e dendur nuk ka shkaktuar ndonjë shqetësim të madh te banorët e këtij rajoni. Nuk është raportuar ndonjë problem edhe në fshatrat e thellë malorë”, thotë përgjegjësi i zyrës së emergjencës civile në prefekturën e Kukësit, Azem Tema. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin