22/10/2013 16:22:18

Ministri Gjiknuri jep urdher direkt

Te ngrihen grupet e punes per emergjencat

TIRANE- Ministri i Energjisë dhe Industrisë, Damian Gjiknuri, urdhëroi sot krijimin e grupit të punës për planifikimin dhe përballimin e emergjencave që mund të krijohen në sektorin energjetik gjatë muajve të dimrit. Në këtë kuadër, Ministri Gjiknuri priti në një takim Kryetarin e Entit Rregullator të Energjisë, Petrit Ahmeti, administratorin e Koorporatës Elektroenergjetike, Agron Hetoja, administratorin e përkohshëm të kompanisë CEZ Shpërndarje, Arben Seferi dhe administratorin e Operatorit të Sistemit të Transmetimit, Ëngjëll Zeqaj.

Ministri njoftoi se grupi i posaçëm i punës do të drejtohet nga zv/ministri i Energjisë dhe Industrisë, Ilir Bejtja. Drejtuesit e kompanive informuan Ministrin për gjendjen e sistemit energjetik dhe situatën financiare në të cilën ndodhen.

Grupi i punës do të përgatisë informacion periodik dhe t’ia paraqesë Ministrit të Energjisë dhe të Industrisë duke siguruar marrjen e çdo mase me qëllim garantimin e furnizimit me energji elektrike dhe përballimin e situatës së emergjencave. Në takim, Ministri porositi drejtuesit e KESH, CEZ dhe OST që të kryejnë një auditim të gjendjes financiare në të cilën i kanë marrë institucionet që drejtojnë.

HermesNews-©2013

Dërgo me email | Stampo artikullin