21/10/2013 10:33:11

Mafia në Itali: 71 arrestime Itali-Bosnje-Kosove-Shqiperi

Gjatë operacionit u konfiskuan më shumë se 200 kilogramë heroinë me prejardhje nga Afganistani dhe 500 kilogramë marijuan

ROMË - Forcat speciale ROS të policisë italiane bënë të mundur arrestimin e 71 personave të kërkuar nga Prokuroria Antimafia e qarkut të Akuilas në kuadrin e një operacioni kundër trafikut të lëndëve narkotike me prejardhje nga Ballkani. Gjatë operacionit u konfiskuan më shumë se 200 kilogramë heroinë me prejardhje nga Afganistani dhe 500 kilogramë marijuanë. Operacioni masiv i policisë nën emrin ''Ellenika'' është në vazhdim e sipër në Itali, Shqipëri, Bosnje dhe Kosovë. Nën shënjestrën e forcave speciale të policisë italiane ROS është një organizatë kriminale me degë në disa vende dhe rajone që trafikon qindra kilogramë heroine dhe marijuane. Hetimet u zhviluan në kuadrin e një projekti evropian për uljen e kriminalitetit në Ballkan me mbështetjen e Europol dhe DCSA (Agjencia e Shërbimit të Komunikimeve e Ministrisë britanike të Mbrojtjes) dhe në bashkëpunim të ngushtë me policinë shqiptare, boshnjake, sllovene, kroate dhe kosovare. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin