21/10/2013 10:20:40

Marine Le Pen i kërkon presidentit francez të dorëhiqet

Vendimi i presidentit fracez, François Hollande për rikthimin në Francë të nxënëses 15-vjeçare rome, Leonarda Dibrani, pa familjen shkaktoi pakënaqësi tek francezët

PARIS - Kryetarja e partisë franceze të ekstremit të djathtë "Fronti Kombëtar", Marine Le Pen, i bëri thirrje sot presidentit francez, François Hollande të dorëhiqej sepse ''kishte poshtëruar vendin'' përsa i përket çështjes së Leonarda Dibranit, nxënëses rome të dëbuar nga Franca. "I pari që duhet të japë dorëheqjen nuk është Ministri i Brendshëm, Manuel Valls", theksoi Le Pen gjatë një interviste në stacionin televiziv, France 2.
"Ai që duhet të japë dorëheqjen është presidenti i republikës që poshtëroi Francën aq sa nuk i mbeti më autoritet", shtoi ajo. "U bëmë të gjithë dëshmitarë të dobësisë së kësaj vajze, në dëm të së cilës, nën presionin e disa nxënësve të majtë, u shkelën jo vetëm vendime administrative, por edhe ligji", deklaroi Le Pen. "Kemi prekur fundin", nënvizoi ajo. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin