13/10/2013 13:27:13

PD çel fushatën në Korçë

Në ceremoninë e prezantimit të kandidatit për Bashkinë e Korçës, Sotiraq Stratobërdha, ishin të pranishëm edhe deputetët demokratë Jorida Tabaku dhe Eduard Selami

KORÇË - Partia Demokratike hapi zyrtarisht të shtunën fushatën elektorale për zgjedhjet për kryetar bashkie në Korçë, që do të mbahen në 3 nëntor. Zgjedhjet për kryetar bashkie vijnë si pasojë e dorëheqjes së Niko Peleshit nga kryetar bashkie dhe zgjedhjen e tij në postin e zëvendëkryeministrit. Në ceremoninë e prezantimit të kandidatit për Bashkinë e Korçës, Sotiraq Stratobërdha, ishin të pranishëm edhe deputetët demokratë Jorida Tabaku dhe Eduard Selami, të cilët vlerësuan figurën e Stratobërdhës. Deputetja Tabaku tha se Stratobërdha përçon vlerat e së djathtës. Kandidati i PD-së prezantoi programin e tij, duke theksuar se parimi i parë i qeverisjes është barazia e qytetarëve. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin