11/10/2013 16:41:41

Avokati i Popullit jep deklarate

Dita Nderkombetare e te Moshuarve. Respekt

TIRANE- Sot në Ditën Ndërkombëtare e të Moshuarve Avokati i Popullit shpreh mirënjohjen dhe respektin për vlerat dhe kontributin e tyre dhënë ndër vite. Të moshuarit mbeten një nga grupet më vulnerabël në Shqipëri. Mungesa e sigurimit të një minimumi të ardhurash, bën që kjo kategori sociale të mos marri shërbimin e duhur shëndetësor, të mos ketë të ardhura të mjaftueshme për të përballuar jetesën dhe shpesh herë të mbetet dhe pa përkrahje.

Duke i vlerësuar të moshuarit për kontributin e tyre dhe duke ditur nevojën për kujdes të kësaj shtrese, duhet të eliminojme neglizhencën dhe përjashtimin e tyre nga shoqëria, duke ndërtuar kështu një shoqëri për të gjitha moshat. Për të garantuar të drejtat e të moshuarve, për siguri sociale, për të punuar, për akses në shërbimet e kujdesit shëndetësor, etj, kërkohet miratimi i Statusit të Moshës së Tretë.

Avokati i Popullit, si një institucion që garanton të drejtat dhe liritë themelore te njeriut, ka në prioritetet e punës së tij mbrojtjen e të drejtave të të moshuarve.
Nëpërmjet rekomandimeve të tij drejtuar pushtetit qendror dhe lokal Avokati i Popullit ka kërkuar përmirësimin e kushteve të jetesës në qendrat ditore dhe rezidenciale për të moshuarit si dhe zbatimin e standarteve të kërkuara për t’i mundësuar këtij grupi shoqëror një jetë sa më dinjitoze dhe të sigurt, me qëllim që të ndihen të barabartë me të gjithë anëtarët e tjerë të shoqërisë

Deklarate

Dërgo me email | Stampo artikullin