09/10/2013 14:07:49

Bonino takim me grate sipermarrese

Diskutim ne lidhje me procesin ekonomik ne vend

TIRANE- Ministrja e Jashtme e Italisë, Emma Bonino gjatë vizitës së saj në Tiranë, zhvilloi një takim me gratë sipërmarrëse shqiptare dhe italiane që punojnë në vendin tonë. Në fjalën e saj Bonino e vuri theksin tek autonomia financiare, si çëlës i suksesit të femrave në biznes. “Unë vazhdimisht theksoj se nuk ka zhvillim ekonomik pa pjesëmarrjen aktive të gjysmës së popullsisë, femrave”.

Duke iu drejtuar femrave sipërmarrëse, por jo vetëm, Bonino u shpreh se, “mos kërkoni mbrojtje, por mundohuni të arrini hapësirat e kërkuara. Jo të gjitha do t'ia dalin. Fitojini vetë hapësirat tuaja, mos prisni t`ua dhurojnë. Historia e botës tregon se ndryshimi është i mundshëm, autonomia ekonomike, është shumë e mirë. Ajo që duhet të kërkojmë është hapësira që secila të rritet sipas projektit të saj”, tha Bonino, e cila në përfundim të fjalës së saj tha se, “Liria nuk është sinonim i lumturisë”.

Jolanda Kote, sipërmarrëse shqiptare, anëtare e shoqatës së grave profesionsite, afariste dhe zejtare, solli në vëmendje të të pranishmëve, se bizneset që drejtohen nga gratë janë shumë të pakta në numër krahasuar me ato të drejtuara nga meshkujt. “Raportohet se numri i bizneseve të grave është shumë i vogël, një prej faktorëve është mungesa e pavarësisë ekonomike për të nisur një sipërmarrje. Femrat në Shqipëri janë më së shumti shtëpiake ose që kontribuojnë në familje me një rrogë. Duhet të shkëputemi nga ky mentalitet”, tha Kote.

Ajo ndërkohë këshilloi se, për sukses në sipërmarrj,e grave duhet t'u vijë në ndihmë shteti përmes kredive për femrat. Sipas saj, “suksesi në një sipërmarrje kërkon disa faktorë si vetbesim të plotë për të ngritur një biznes, plan biznesi të detajuar, përvojë pune, trajnime para nisjes së biznesit. Është shumë e rëndësishme dhe rritja e nivelit arsimor dhe profesional të grave dhe vajzave”, tha Kote

HermesNews-©2013

Dërgo me email | Stampo artikullin