05/10/2013 15:51:29

Akdidentohet rende nje 59 vjecar

Autori i ngjarjes largohet nga vendi i aksidentit

TIRANE- Një aksident me pasojë plagosjen rëndë të një 59 vjeçari ka ndodhur mesditën e kësaj fundjave në aksin rrugor Elbasan – Fabrika e Cimentos. 59 vjeçari Sotir Prifti, punonjës i Fabrikës së Cimentos ishte duke u kthyer nga puna, dhe në momentin që ai ka dalë në rrugën kryesore me mjetin e tij cikomotor është përfshirë nga një furgon me ngjyrë të bardhë me targë AA 935 CR. Drejtuesi i mjetit ende të paidentifikuar nga Policia mbas aksidentit është larguar me shpejtësi, duke e lënë të aksidentuarin shtrirë në tokë.

Kanë qenë banorët e zonës ato të cilët i kanë dhënë ndihmën e parë 59 vjeçarit duke e transportuar menjëherë në spitalin kirurgjik të qytetit. Burime nga spiatli bëjnë të ditur se gjendja e tij shëndetësore është e rëndë por jashtë rrezikut për jetën. Policia e cila ka identifikuar mjetin tip furgon është vënë në ndjekje për kapjen e drejtuesit, i cili akuzohet për veprat penale “shkelje të rregullave të qarkullimit rrugor”, si edhe “ largimi nga vend ii ngjarjes”.

HermesNews-©2013

Dërgo me email | Stampo artikullin