03/10/2013 17:24:18

Mblidhet ministeriali (A 5), Karta e Adriatikut

Shqipëria në vitin 2014 merr Presidencën e radhës të Iniciativës së SHBA-Karta e Adriatikut (A 5)

TIRANE - Ministrja e Mbrojtjes Mimi Kodheli mori pjesë në Ministerialin e Mbrojtjes SHBA - Kartë e Adriatikut (A 5), që u mbajt në Brdo, Slloveni, në kuadër të Ministerialit Gjithëpërfshirës të Rajonit 2013 (Comprehensive Regional Ministerial). Punimet e Ministerialit u hapën nga ministri malazez i Mbrojtjes Milica Pejanovi, kryetari i mbledhjes së kësaj iniciative.

Ministrja Kodheli, gjatë fjalës së saj, u shpreh se Shqipëria prej një kohe të gjatë është e angazhuar në Afganistan dhe do të vazhdojë të kontribuojë, duke bashkëpunuar ngushtë me vendet e tjera për të mbështetur akoma më shumë qeverinë afgane në forcimin e sigurisë dhe rimëkëmbjen e institucioneve.

Ajo theksoi se bashkëpunimi rajonal duhet të orientohet në konceptin e "Smart Defence" dhe në përdorimin e aseteve të përbashkëta të mbrojtjes, në rast nevoje.

Ministria e Mbrojtjes e Republikës së Shqipërisë ofroi kontributin e saj në bashkëpunimin rajonal dhe ftoi vendet anëtare të A-5, por dhe vende të tjera të rajonit, të ndjekin kurse në Qendrën e Gjuhëve të Huaja apo Kursin e Lartë të Sigurisë dhe Mbrojtjes në Shqipëri, duke nënvizuar se numri i pjesëmarrëseve ndërkombëtar në këtë kurs, për vitin 2013, është rritur ndjeshëm. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin