02/10/2013 18:34:22

Rreth 90 kg drogë: arrestohet kosovari Arsen Gashi

Sekuestrohet droga që kishte destinacion Italinë

GJIROKASTER - Rreth 90 kg droge janë sekuestruar nga blutë e Gjirokastrës, teksa transportohej nga Lazarati (foto) në drejtim të Tiranës. Shtetasi që transportonte lëndën narkotike ishte nga Kosova. Policia e ndaloi në aksin rrugor Kordhocë - Gjirokastër.

Drejtuesi i automjetit kur vuri re që po e ndiqte antidroga, ka shtuar shpejtësinë dhe është futur në rrugicat e qytetit dhe më pas ka dalë në Grihot ku ka vijuar po me shpejtësi rrugën në drejtim të Tepelenës, por në afërsi të Vështë ndaluar nga Specialistët e Sektorit Kundër Narkotikëve .

Automjetit tip Mini Buz Benx prodhim i ri, me targa Kosova 03 569 DH, që drejtohej nga shtetasi Arsen Gashi i datëlindjes 1989, u shoqërua në ambjentet e policisë.

Gashi, lëndën narkotike do ta trafikonte në Itali dhe nga veprimet e para hetimore rezultoi me të njëtën mënyrë kishte trafikuar nga Kosova për në Itali edhe herë të tjera lëndë narkotike.

Materialet i kaluan Prokurorisë së Rrethit Gjyqësor Gjirokastër për veprën penale të "Prodhimit dhe shitjes të lëndëve narkotike", vepër kjo e parashikuar nga neni 283 të Kodit Penal.



Na ndiqni dhe në Facebook dhe Twitter

Komunikatë për Shtyp

Dërgo me email | Stampo artikullin