01/10/2013 15:28:27

Arrestohet, ishte dënuar në mungesë

56 vjeçari Ndriçim Rrahmani, me banim në Elbasan, në vitin 1993 në bashkëpunim edhe me dy vëllezërit e tij, kanë vrarë me armë zjarri Kujtim Jagodinën

ELBASAN - Një 56 vjeçar i dënuar në mugesë për veprën penale të "Vrasjes“ është arrestuar nga Policia e Elbasanit mëngjesin e së martës. Burime të Policisë bëjnë të ditur se "56 vjeçari Ndriçim Rrahmani, me banim në Elbasan, në vitin 1993 në bashkëpunim edhe me dy vëllezërit e tij, kanë vrarë me armë zjarri Kujtim Jagodinën. Ngjarja ka ndodhur në lagjen "Vullnetari“ të qytetit të Elbasanit, ku pas një sherri të çastit, 56 vjeçari, në atë kohë 36 vjeç, kreu vrasjen. Pas këtij krimi, autori bashkë me dy vëllezërit e tij që prej 20 vjetësh ishin shpallur në kërkim. Gjykata e Rrethit Gjyqësor Elbasan e kishte dënuar në mungesë 56 vjeçarin me 15 vjet burg. Ndërkaq, Policia po punon edhe për kapjen e dy vëllezërve të autorit si bashkëpunëtorë në krim. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin