27/09/2013 13:15:10

Transformimi i Gardës në Drejtori për ruajtjen e personaliteteve

Ministri Tahiri takon drejtuesit. Refomat brenda 100 ditëve

TIRANË - Ministri i Brendshëm, Saimir Tahiri, deklaroi të premten se " Garda e Republikës nuk do te ekzistojë më si e tillë dhe brenda 100 ditëve do të ketë përfunduar procesi i reformimit dhe modernizimit të saj".

Në një takim me drejtuesit kryesorë të Gardës së Republikës, të cilëve iu ka komunikuar vendimin e Qeverisë për reformimin total të këtij institucioni, ministri Tahiri theksoi se "Garda e Republikës do të kthehet në Drejtori të Ruajtjes së Personaliteteve dhe objekteve të rëndësisë së veçantë, e cila nuk do të varet më nga Ministri i Brendshëm, siç ka qenë deri më sot, por do të jetë nën kompetencën e Drejtorit të Përgjishëm të Policisë së Shtetit dhe procesin e refomimit dhe modernizimit të Gardës do ta udhëheqë Gramoz Sako". Ministri Tahiri u shpreh se "kjo reformë do të rrisë ndjeshëm efektivitetin e forcës dhe përmbushjen e detyrës, do të kursejë fonde buxhetore dhe hallka burokratike të tepërta dhe mbi të gjitha do të garantojë standardet më të larta të sigurisë në përmbushje të detyrave funskionale të këtij institucioni, por mbi të gjitha do të garantojë depolitizimin e këtij institucioni duke mbyllur përfundimisht kapitullin e këtij institucioni". Lidhur me ngjarjen e 21 janarit, ministri Tahiri tha se "21 janari nuk mund të arkivohet dhe drejtësia për vrasjen e 4 protestuesve do të vihet në vend".

HermesNews - ©2013

Dërgo me email | Stampo artikullin