23/09/2013 15:28:48

Gjirokastër, ndalohen klandestinët. Shoqërohen në komisariat vendasit

Komunikata: dy operacione antitrafik u zhvilluan nga zyra e trafiqeve të paligjshme në Gjirokastër. Gjatë tyre u ndaluan 21 shtetas nga Sudani, Maroku e Eritrea, ndër ta dy gra

GJIROKASTER - Sot rreth orës 11:00, Specialistët e seksionit kundër trafiqeve të paligjshme në Gjirokastër (foto), mbi bazën e informacioneve të marra në rrugë operative se dy grupe shtetasish të huaj po udhëtonin në fushën e Arshilengos përballë qytetit Gjirokastër, kanë zhviulluar dy operacione ku në operacionin e parë janë ndaluar 14 shtetas dhe në operacionin e dytë 7 shtetas, ndër ta dy gra.

Të dy grupet janë kapur në fushat e Arshilengos dhe kishin hyrë ilegalisht nëpërmjet kufirit jeshil me shtetin grek. Specialistët e antitrafikut, në afërsi të dy grupeve të klandestinëve kanë evidentuar dhe më pas kanë shoqëruar në ambjentet e policisë dy shtetas nga Fieri K.M e L.XH, të cilët dyshohet se kanë lidhje me dhënien ndihmë të klandestinëve.

Të dy shtetasit së bashku me klandestinët janë shoqëruar në ambjentet e policisë, ku specialistët po punojnë për të vertetuar që këta dy shtetas kanë lidhje apo jo në trafikun e klandestinëve.

Operacionet për bllokimin e klandestinëve dhe për bllokimin e automjeteve luksoze po vijojnë nga ana e Sektorit kundër trafiqeve të paligjshme në Gjirokastër. Na ndiqni dhe në Facebook dhe Twitter

Komunikatë për Shtyp

Dërgo me email | Stampo artikullin