17/09/2013 16:09:51

Në pritje të raportit, BE premton të reja historike brenda 2013

Zgjedhjet e fundit një vlerësim i rëndësishëm për Shqipërinë

BRUKSEL - Kreu i Komisionit Europian deklaroi se ''Shqipëria mund ta merrte brenda këtij viti statusin e vendit kandidat për anëtarësim në BE''.

''Besoj se Shqipëria, në linjë parimore, mund ta arrijë marrjen e statusit të vendit kandidat për anëtarësim në BE brenda këtij viti'', deklaroi presidenti i Komisionit Europian, Jose Manuel Barroso, në përfundim të një takimi me kryeministrin e ri shqiptar, Edi Rama.

Sipas Barrosos, pas zhvillimit shumë korrekt të zgjedhjeve të fundit objektivi për Tiranën ''është shumë pranë'', edhe pse do të ketë nevojë ''për përpjekje të mëtejshme në luftën kundër korrupsionit dhe krimit të organizuar.

''Nëse Shqipëria kërkon të arrijë të jetë zyrtarisht vendi më i ri kandidat për anëtarësim në BE brenda vitit, hapat e ardhshme do të jenë thelbësore për vlerësimin tonë, ndaj nuk ka kohë për të humbur rrjedhimisht javët e ardhshme do të jenë thelbësore", theksoi Barroso.

"Bëhet fjalë për përpjekje shumë të rëndësishme, që kërkojnë mobilizimin e të gjithë shqiptarëve, rrjedhimit jo vetëm të qeverisë, por edhe të opozitës dhe të shoqërisë civile'', vazhdoi më tej kreu i Komisionit të BE-së.

Gjatë legjislaturës paraardhëse "Shqipëria ka bërë hapat e duhura me miratimin e masave thelbësore në sektorët e drejtësisë dhe administratës publike dhe me rishikimin e rregullave të procedurës parlamentare", u shpreh Barroso, i cili e konsideroi "shumë të rëndësishme'' për vlerësimin e Brukselit faktin se zgjedhjet e fundit janë vlerësuar " të lira dhe të drejta, pavarësisht polarizimit të fortë politik".

Dhënien e vlerësimit vjetor vendeve kandidate ose aspirante për këtë, do të jetë raporti i ardhshëm i tetorit, që pritet të publikohet nga Komisioni Europian, në të cilin "do të flitet për progreset e arritura dhe do të përmenden hapat e ndërmarra nga Shqipëria kundër korrupsionit dhe krimit të organizuar, përfshi hetimet dhe veprimet gjyqësore", veçoi Barroso.

"Inkurajoj qeverinë e re të investojë të gjitha përpjekjet e mundshme në këtë drejtim, sepse vendet anëtare po ju vëzhgojnë dhe po ndjekin progresin tuaj, po ashtu edhe Komisioni Europian", përfundoi kreu i ekzekutivit të Bashkimit Evropian, Jose Manuel Barroso. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin