17/09/2013 07:50:24

Shpërthen makina e shoferit të policisë

I dëmtuari është jashtë rrezikut për jetën

SHKODER - Në datë 16.09.2013 rreth orës 18:45 në Lagjen "Vasil Shanto" të qytetit të Shkodrës, në afërsi te "Hotel Rozafa" ka ndodhur një shpërthim në automjetin tip "Alfa Romeo".

Në mjetin, i cili gjendej i parkuar në krah të rrugës, ndodhej drejtuesi i tij shtetasi Kujtim Prekë Çardaku, 42 vjeç, banues në Shkodër, me detyrë shofer, me status civil pranë Drejtorisë së Policisë së Qarkut Lezhë. I dëmtuari është dërguar në Spitalin Rajonal Shkodër, ku ndodhet jashtë rrezikut, për jeten.

Menjëherë pas shpërthimit, e gjithë struktura e policisë së Shkodrës është vënë në lëvizje për të zbardhur në kohë sa më të shpejtë ngjarjen si dhe për të identifikuar dhe kapur autorët e saj. Për zbardhjen ngjarjes është ngritur një grup i posaçëm hetimor.

Komunikatë për Shtyp

Dërgo me email | Stampo artikullin