12/09/2013 17:03:54

Nivel rekord papunësie: 6 në 10 të rinj në kërkim të një pune

Në qershor 2012, niveli i papunësisë ishte 24,6 për qind, ndërkohë që në maj të vitit 2013 arriti në 27,6 për qind

ATHINË - Niveli i papunësisë në Greqi arriti një nivel rekord në Qershor në 27,9 për qind krahasuar me vitin e mëparshëm, duke prekur sidomos të rinjtë sipas shifrave të publikuara nga instituti grek i statistikës ELSTAT. Në qershor 2012, niveli i papunësisë ishte 24,6 për qind, ndërkohë që në maj të vitit 2013 arriti në 27,6 për qind. Rreth gjashtë të rinj në 10 nën 24 vjeç janë të papunë, që në shifra përkthehet në 58,8 për qind ndaj 54,8 për qind në një vit. Niveli i papunësisë për këtë kategori pësoi ulje në qershor, në krahasim me nivelin 64,9 për qind të majit. Femrat janë më të prekura nga papunësia në një raport 31,9 për qind me 24,9 për qind me meshkujt. Numri i të papunëve në qershor u rrit me 174 709 persona ndërkohë që popullsia aktive për këtë periudhë arriti në 3 628 421 persona. Rajonet më të prekura janë zonat veriperëndimore me papunësi 29,7 dhe 29,5 për qind. Ishujt e Egjeut, që përfituan nga një sezon i frytshëm turistik, janë më pak të prekurat me një nivel papunësie prej 21,6 për qind. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin