12/09/2013 08:17:35

Rama nuk do t'i japim opozitës atë çfarë na e mohoi ne. PD ka pyetje

Fjalimi i kryeministrit në Parlament: ''Ne nuk kemi ardhur në këtë kuvend për t’i kërkuar opozitës ku e ka kokën, po për t’i ngritur Shqipërisë kokën lart.'' Basha, do të zbërthejmë premtimet e qeverisë

TIRANE - K/ministri Rama mbajti dje fjalimin e tij të parë në Parlament si kryetar qeverie. Pasi një kujtese të shpejtë të sulmeve të 11 Shtatorit dhe një vështrim historik të periudhës së demokracisë shqiptare, Rama tha se "...marr sot përsipër përgjegjësinë të sigurojmë që asgjë që neve vetë, na u mohua deri dje në opozitë për shkak të qeverisë së vjetër, nuk do t’i mungojë më tej opozitës për faj të qeverisë së re".

"Unë besoj se, në fund të fundit, cilësia e bashkëjetesës demokratike të çdo dite nuk varet assesi nga fakti nëse biem ose jo dakord, por nga mënyra se si e jetojmë mosdakordësinë", tha ai i cili në fund shtoi se vendos gjithnjë shumica, po është cilësia e bashkëjetesës ajo që ndryshon.

Por opozita dhe pse la sallën, nga selia blu, kreu i saj Lulzim Basha tha se "të shtunën Grupi Parlamentar i PD-së do të zbërthejë, në dritën e transparencës dështimet spektakolare të kryesocialistit, për të marrë në mënyrë të plotë dhe ezauruese, shteruese, përgjigje për pyetjet që janë në buzët dhe mendjen e gjithësecilit. Se kur, si dhe sa vende pune do të krijohen këtë muaj, në muajt në vijim nga 300 mijë vende të premtuara. Se sa kushtojnë legalizimet falas, si do të paguhen dhe kur do të bëhen. Se sa është fatura e buxhetit të shtetit për shëndetësinë falas paguar nga qytetarët shqiptarë, si do të paguhet kjo faturë dhe çështë më e rëndësishmja, kur do të fillojë shëndetësia falas? Se si do të lirohen 98 përqind e shqiptarëve nga barra e taksës, sa është dhe kush do ta paguajë? Kur do të hiqet TVSH për importin e ushqimeve dhe energjinë elektriken sa kushton dhe kush do ta paguajë ?" Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin