11/09/2013 15:36:08

Basha kritikon transparencën e programit të Qeverisë

Deklarata e kreut të mazhorancës shqiptare Lulzim Basha

TIRANË - Partia Demokratike dhe aleatët e saj, kërkojnë që Programi i mazhorancës, t'u vihet në dispozicion në mënyrë kushtetuese nga Kuvendi i Shqipërisë. Në përfundim të mbledhjes së grupit parlamentar demokrat, ku është vendosur pjesmarrja në seancën plenare pasditën e sotme në Kuvend, Kryetari i PD-së, Lulzim Basha tha se, "ne dhe aleatët tanë, mbrojmë parimet e shenjta të transparencës."

"Qëndrimi ynë i djeshëm, i prerë, për të denoncuar këtë qëndrim të papranueshëm, si në formë edhe në përmbajtje, në radhë të parë jo premtues, këtë fillim jo të mbarë nga maxhoranca e re, ishte vetëm në mbështetje të aspiratës së çdo qytetari shqiptar për një ndërveprim transparent, komunikim normal në respekt të kushtetutës dhe ligjeve të vendit", deklaroi Basha.

Basha nënvizoi se "presim që opozitës dhe qytetarëve shqiptarë, t'u jepet mundësia, të përgatiten për një debat serioz, gjithëpërfshirës, transparent në raport me përgjegjshmëritë dhe llogaridhënien e qeverisë së propozuar dhe programit të saj".

Në përfundim, Kreu i PD-së, tha se "për këtë, jemi të gatshëm të ushtrojmë dhe të marim përsipër të gjitha përgjegjësitë në parlamentin shqiptar si opozita shqiptare". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin