09/09/2013 16:34:47

Pastrohet lulishtja pranë Universitetit të Vlorës ''Ismail Qemali''

Pronarët e kioskave largojnë vullnetarisht nga sheshi ndërtimet

VLORË - Bashkia e Vlorës nisi sot aksionin për lirimin e hapësirave të gjelbëra brenda në qytet, të zaptuara nga kioskat dhe aktivitete të ndryshme private. Aksioni u përqendrua në lulishten pranë Universitetit "Ismail Qemali", ku u hoqën restorante e bare dhe njësi të tjera shërbimi.

Pas paralajmërimit dhe njoftimit paraprak të subjekteve që operonin në këtë zonë me kioska të dimensioneve të mëdha dhe konstruksione të lehta, sot nisën veprimet në terren. Një pjesë e pronarëve të këtyre aktiviteteve, po i largojnë vullnetarisht pajisjet.

Janë të paktën 5 kioska të përmasave të mëdha, të cilat janë shndërruar në lokale, si restorante, bare e njësi të tjera shërbimi, që kanë zënë një pjesë të madhe të hapësirës së gjelbër në këtë zonë të qytetit të Vlorës.

Nënkryetari i Bashkisë, Ardian Musta, tha se, aksioni do të vazhdojë edhe në ditët dhe javët e ardhshme. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin