09/09/2013 12:44:08

Edi Paloka kryetar grupi: propozimet e tjera

Basha: ''Deputetët tanë do të jenë në kontakt të vazhdueshëm me zgjedhësit. Grupi ynë parlamentar do të jetë në çdo seancë zëri i drejtë dhe i paanshëm i opozitës në Parlament"

TIRANË - Deputetët e Partisë Demokratike, në mbledhjen e parë të zhvilluar të Hënën, zgjodhën Edi Palokën si kryetar të grupit parlamentar. Edmond Spaho është propozuar si nënkryetar i Kuvendit dhe Jorida Tabaku zëdhënëse e grupit të PD-së. Kryetari i PD-së, Lulzim Basha, tha se mazhoranca e sotme do të ketë përballë një opozitë të fortë, moderne dhe institucionale, e cila do të jetë një kontrolluese e përditshme e akteve të qeverisë dhe verifikuese e premtimeve të saj. "Ne nuk do të jemi një opozitë akademike, por opozita jonë do të jetë popullore dhe publike. Deputetët tanë do të jenë në kontakt të vazhdueshëm me zgjedhësit. Grupi ynë parlamentar do të jetë në çdo seancë zëri i drejtë dhe i paanshëm i opozitës në Parlament”, tha Basha. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin