06/09/2013 12:10:03

Jorgo Kumaraku përsëriti vjedhjen e vitit 2007: akuza dhe për narkotikë

Arrestohet hajduti që vidhte me pistoleta lodër. Person në kërkim nga policia e Sarandës. Vjedhje dhe në Greqi

GJIROKASTER - Ka rënë në pranga hajduti i kazinosë (foto) Ura e Lumit në Gjirokastër. Ngjarja ndodhi dje në orën 16:30. Jorgo Kumaraku. 36, kishte kërcënuar kamarieren e kazinosë me një pistoletë lodër, pasi i ishte lutur më parë t'i thyente lekët.

Nën kërcënimin e çakmakut ai ka vjedhur nga kazinoja 24 mijë lekë të reja, çantën dhe celularin e kamarieres, pastaj është larguar.

Kamarierja theu xhamin e tualetit për të dalë jashtë në rrugë prej ku ka njoftuar policinë e cila është vënë në ndjekje të tij.

Kumaraku, kishte tre netë që flinte në Gjirokastër. Pas vjedhjes treti në koshin e plehrave "armën" dhe mori rrugën për në Sarandë.

Policia u vu në ndjekje dhe mundi ta ndalojë në hyrje të qytetit, brenda një hoteli.

Jorgo Kumaraku njihej nga forcat e rendit si person me precedentë penal. Ai ishte dënuar në vitin 2007 për vjedhje me armë lodër në Greqi bashkë me trafik të narkotikëve. Së fundi u shpall në kërkim nga Komisariati i Policisë Sarandë pasi disa ditë më parë kreu në këtë qytet vjedhje të ngjashme me atë të Gjirokastrës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin