05/09/2013 16:45:33

Bulevardi: Qeveria shpronëson pronarët e ndërtesave dhe tokave

Fondi për kompensimin e pronarëve që do të shpronësohen do të përballohet nga Bashkia e Tiranës

TIRANË - Këshilli i Ministrave shpronësoi sot pronarët e tokave që prekin Bulevardin verior dhe rehabilitimin e lumit të Tiranës, faza e I-rë, në Bashkinë e Tiranës. Projekti paraqet rëndësi për zhvillimin e mëtejshëm të infrastrukturës së kryeqytetit dhe ndikimin e drejtpërdrejtë në rritjen e mirëqenies dhe të zhvillimit ekonomik të Bashkisë Tiranë.

Për 204 objekte, sipas matjeve në terren nga grupet e punës, si më lart dhe bazuar në çmimet e Entit Kombëtar të Banesave, vlera totale është 844.853.879 (tetëqind e dyzet e katër milion e tetëqind e pesëdhjetë e tre mijë e tetëqind e shtatëdhjetë e nëntë) lekë.

Në kushtet kur zbatimi i projektit shtrihet në një zonë urbane kryesisht informale, pjesa më e madhe e objekteve që do t’i nënshtrohen procesit të shpronësimit kanë statusin “objekte të ndërtuara pa leje”. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin