05/09/2013 15:59:42

Spekullimet me borxhin e ri grek: paralajmerime nga Brukseli

Presidenti i Eurogrupit, nuk mund të flasim për një huadhënie të re

BRUKSEL - Ka mundësi që Greqia të ketë nevojë për një ndihmë financiare shtesë, u shpreh sot presidenti i Eurogrupit, Jeroen Dijsselbloem, duke paralajmëruar ndaj çdo spekullimi të mundshëm në këtë fazë, veçanërisht për sa i përket metodave të reduktimit të borxhit në këtë vend. "Mendimi për nevojën e një asistence të mëtejshme financiare është realist", theksoi Dijsselbloem, i pyetur mbi nevojën e një programi të tretë ndihme për Greqinë. "Megjithatë nuk mund të flas për një huadhënie të re", nënvizoi ai përpara Komisionit të Çështjeve Ekonomike në Parlamentin Europian. "Megjithatë ne nuk do ta vlerësojmë veçse në prill përparimin e bërë në kuadër të programit të qëndrueshmërisë së borxhit dhe në pritje të kësaj, spekulimet nuk të çojnë askund", deklaroi presidenti i Eurogrupit. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin