28/08/2013 16:18:24

Zgjedhjet: KQZ bën apel për anëtarët e KQV-ve

KQZ u bëri apel të gjitha subjekteve politike të paraqesin propozimet e tyre, me qëllim që këto komisione të vazhdojnë punën për emërimet e tyre

TIRANË - Komisioni Qendror i Zgjedhjeve shprehu sot shqetësimin lidhur me mosrespektimin e kuadrit ligjor për anëtarë të KQV-ve, për zgjedhjet vendore, që do të zhvillohen në 1 Shtator në Shkodër (komuna Rrethina) dhe Korçë (komuna Dardhas). KQZ u bëri apel të gjitha subjekteve politike të paraqesin propozimet e tyre, me qëllim që këto komisione të vazhdojnë punën për emërimet e tyre dhe KQZ të kryejë trajnimet e planifikuara për ta.
"KQZ, duke ndjekur në dinamikë ecurinë e procesit para zgjedhor që do të zhvillohet më datë 1 Shtator, për kryetar në komunën Rrethinat, qarku Shkodër dhe kryetar në Komunën Dardhas të qarkut Korçë, shpreh shqetësimin në lidhje me mosrespektimin e kuadrit ligjor dhe shkeljen e afateve ligjore të propozimeve për anëtarë të KQV-ve pranë KZAZ-ve nr 2, qarku Shkodër dhe KZAZ nr. 73, qarku Korçë, nga të gjitha subjektet politike që gëzojnë të drejtën dhe kanë detyrimin ndaj këtij procesi", tha gjatë një deklarate për shtyp, zëdhënësja e KQZ, Drilona Hoxhaj. Hoxhaj theksoi se kjo sjellje, në kundërshtim me afatet ligjore të percaktuara, përbën shkak për cënimin e standardeve të këtij procesi.

HermesNews - ©2013

Dërgo me email | Stampo artikullin