28/08/2013 11:08:38

Vilma Dule nuk e njeh agresorin, dyshon për arsyet

Agresori mbante pantallona të shkurtëra dhe kishte një kapelë në kokë. Policia nis hetimet për identifikimin. Vilma, ''nëse e shikoj mund ta njoh''

TIRANE - Ajo është drejtore në një call-center në Tiranë. Mendon se kjo është arsye e krimit që ndodhi dje kur u sulmua me acid në fytyrë nga një person i paidentifikuar ende nga policia. Viktima është 27 vjeçarja Vilma Jero dhe ndodhet në reanimacion me djegie të shkallës së tretë. Ngjarja ndodhi dje në mëngjes, të shkallët e pallatit ku jetonte, afër Fakultetit të Inxhinierisë së Ndërtimit.

Vilma është shtruar me urgjencë në spitalin "Nënë Tereza". Vajza tha se agresori vishte pantallona të shkurtëra dhe mbante një kapele në kokë.

"Nuk e njoh djalin që më sulmoi...në momentin që zbritëm shkallët (me kushërirën) na u afrua me shpejtësi një djalë. Nuk tha asnjë fjalë, por më hodhi një shishe me acid në fytyrë. Lëngu më ra në fytyrë, në krahë dhe në kraharor. Ulëriva dhe dolën banorë të pallatit, të cilët tentuan të më ndihmonin duke më hedhur ujë", tha e reja e cila shton se kohët e fundit janë bërë lëvizje brenda call - center "...dyshoj se kjo ngjarje është e lidhur me këtë fakt. Atë djalin nuk e njoh dhe nuk është punonjës tek kompania, ku unë punoj. Por, nëse e shikoj mund ta identifikoj", ka përfunduar rrëfimi i shkurtër i 27-vjeçares e cila rrezikon të ngelet për gjithë jetën e shpërfytyruar.

HermesNews - ©2013

Dërgo me email | Stampo artikullin