27/08/2013 20:09:43

Helmohen nga ushqimi në dasëm

Shkak i helmimit, sipas burimeve spitalore, mendohet të jetë gatimi i lokalit që kanë frekuentuar dasmorët

FIER - Policia e Fierit ka nisur sot hetimet për zbardhjen e shkaqeve të ngjarjes së ndodhur një ditë më parë, në fshatin Gorishovë, në komunën e Cakranit, kur 13 persona u shtruan në spitalin e qytetit dhe 65 të tjerë u trajtuan me serume në repartin e urgjencës, për shkak të një intoksikacioni ushqimor, gjatë një ceremonie martese. Shkak i helmimit, sipas burimeve spitalore, mendohet të jetë gatimi i lokalit që kanë frekuentuar dasmorët, ndërsa pacientët e parë kanë ardhur për ndihmë mjeksore një ditë më parë. Aktualisht, pranë urgjencës së spitalit rajonal të Fierit vazhdojnë të paraqiten persona që kanë qënë dasmorë dhe që manifestojnë simptomat e helmimit, shkaqet e të cilit ende nuk bëhen të ditura.

HermesNews - ©2013

Dërgo me email | Stampo artikullin