24/08/2013 11:41:54

Çmimi i karburanteve oligopol: ZMK kërkon hetim

Zyra i kërkon Autoritetit të konkurencës të hetojë oligopolin që mban të lartë çmimin e karburanteve në treg

TIRANE - ZMK kërkon hetimin e pozitave oligopol në kompanitë e importit të karburanteve dhe abuzimin me pozitat dominante në treg me qëllim stabilizimin e çmimeve të larta në dëm të konsumatorëve shqiptare. Kjo ankesë i bashkangjitet qëndrimeve të ekspertëve shqipëtarë. Zyra e konsumatorëve kërkon ndalimin e abuzimit dhe aplikimin e gjobave proporcionale konform ligjit me dëmin e pallogaritshëm ndaj konsumatorëve ! Megjithëse çmimi i karburanteve në tregun ndërkombëtar ka lëvizur disa herë duke rënë gradualisht, kompanitë e importit kanë imponuar në tregun shqiptar vetëm çmime në rritje. ZMK kërkon liberalizimin e tregut të importit të karburanteve e dhënien e kompetencave të ERE për të kontrolluar çmimet në treg dhe aplikimin e praktikave të çmimeve të miratuara nga Enti Rregullator i Energjisë njësoj siç aplikohet dhe për energjinë elektrike.

Komunikatë për Shtyp

Dërgo me email | Stampo artikullin