21/08/2013 14:29:32

Fier: hetohet kryekomunari për drogë

Zbulohen 2700 rrënjë kanabis sativa

FIER - Dy të arrestuar, një i shpallur në kërkim policor dhe proçedimi penal në gjëndje të lirë për kryetarin e komunës. Ky është bilanci i një aksioni antidrogë në komunën Kurjan, 26 km në lindje të qytetit. "20 vjeçari Armand Siqeca dhe 53 vjeçari Sali Metou, kryetar i fshatit Kurjan, janë arrestuar, ndërkohë që kryetari i komunës, 39 vjeçari Ilir Shabani, hetohet në gjendje të lirë, ndërsa 58 vjeçari Sesnik Siqeca u shpall në kërkim policor për kultivim të bimëve narkotike", tha sot zëdhënësja e DPQ Fier, Enkeleda Allkanjari. Brenda serave ne pronesi te Armand Siqeca u gjetën të kultivuara 2700 bimë cannabis sativa. Bashku me autorin, u arrestua dhe kryeplaku i fshatit, Metou, nën akuzën moskallëzimit të krimit dhe kryekomunari, Shabani, nën akuzën e shpërdorimit të detyrës.

HermesNews - ©2013

Dërgo me email | Stampo artikullin