19/08/2013 16:53:35

Edi Rama prezanton Drejtoren e tij të kabinetit

Vali Bizhga, standard i ri në komunikimin me njerëzit

TIRANE - Kryeministri Edi Rama bën publik emrin e Drejtores së kabinetit në Kryeministri. "Është kënaqësi dhe nder t'ju prezantoj Drejtoren e Kabinetit tim në kryeministri, Vali Bizhgën", shkruan Rama në Facebook. Nga posti i Zv.kryetares së bashkise në Tiranë, Bizhga merr rolin e Drejtores së kabinetit, pas një beteje të gjatë me sëmundjen e kancerit. Rama e cilëson një prej bashkëpunëtorëve më të rëndësishme gjatë fushatës, "...ku Vali ka luajtur prapa kuintave rolin kyç të Drejtorit Ekzekutiv të fushatës. Një betejë më e rendësishme për të, ajo me një kancer të shfaqur befas në formë agresive, e shkëputi lidhjen tonë të punës për aq sa kohë iu desh Valit ta fitonte betejën më të vështirë të jetës së vet. Tashmë, ajo është rikthyer në fushën e kahershme të përpjekjes sonë të përbashkët për të bërë punë të mira për vendin e njerëzit, e do të mbulojë me profesionalizmin, pastërtinë dhe përkushtimin e saj të posaçëm në komunikimin me njerëzit, një detyrë ku pa asnjë dyshim do vendosë një standard të ri", shkruan Kryeministri që pritet të marrë detyrën së shpejti.

HermesNews - ©2013

Dërgo me email | Stampo artikullin