19/08/2013 15:24:00

Furnizimi me ujë, gjithnjë e më keq në Kukës. Shteti dha €3.5 mln

Prej shumë kohësh qytetarët e Kukësit vuajnë mungesën e ujit të pijshëm

KUKËS - Situata e furnizimit me ujë të pijshëm të banorëve të qytetit të Kukësit dhe fshatrave përreth sa vjen e rëndohet, ndërsa rruga e zgjidhjes duket mjaft e largët. Situata e rënduar ka bërë që për këtë problem të reagojë dhe kryetari i këshillit të qarkut Ibsen Elezi. Sipas tij, "mungesa e ujit është përgjegjësi e drejtpërdrejtë e bashkisë dhe ndërmarjes së ujësjellësit. Pritet që të ketë një reagim të fortë qytetar pasi gjithë qyteti po furnizohet me ujë vetëm 1 orë në ditë, sasi e papërballueshme nga mijëra familjet kuksiane",- theksoi kryetari i këshillit të qarkut. Ndërtimi i ujësjellësit të ri jo vetëm nuk ka përmirësuar gjë, përkundrazi ka sjellë përkeqësimin e situatës. Për ndërtimin e këtij ujësjellësi janë dhënë më shumë se 3.5 milion euro nga buxheti i shtetit.

HermesNews - ©2013

Dërgo me email | Stampo artikullin