17/08/2013 15:08:28

Bio vendase konkuron importin

Të blesh një produkt me O kilometër do të thotë që ke mbrojtur ambientin, duke i dhënë më shumë mundësi biznesit në vend

TIRANE - "Blej shqip", ështe nisma që nënkupton një treg 7 milionë banorësh. Prodhuesit shqiptarë dhe Këshilli i Agrobiznesit Shqiptar po e mbështesin këtë nismë përmes aktiviteteve të ndryshme me qëllim zhvillimin e një tregu zinxhir shqiptar prodhimi dhe konsumi.

Të blesh një produkt me O kilometër do të thotë që ke mbrojtur ambientin, duke i dhënë më shumë mundësi biznesit në vend. Në përgjigje të fshatit global, shtetet po u kushtojnë gjithnjë e më shumë rëndësi prodhuesve lokalë. Buy british, e compri italiano, janë nisma të hershme.

Prej më pak se 5 vitesh, edhe ne kemi nismën "Blej shqip", që do të thotë një treg mbarëkombëtar me 7 milionë banorë. Konsumatorët janë në fokus të nismës së ndërmarrë nga 22 organizata shqiptare, pasi ata janë vendimtarë në treg.

Por, në një periudhë të vështirë për sipërmarrjet, që nisma të tilla të kenë vlerë nevojitet një përkrahje e gjithanshme. Kohët e fundit, komuniteti europian po mbështet bizneset lokale. Ky është ilaçi me efektiv për të luftuar varfërinë në vendet prodhuese, e shkon njëkohësisht kundër ngrohjes globale.

HermesNews - ©2013

Dërgo me email | Stampo artikullin