17/08/2013 14:38:05

Euro zhvlerësohet gjatë fundjavës

Krahasuar me fundjavën euro u zhvlerësua 0.15 lekë

TIRANE - Shtimi i turistëve dhe emigrantëve ka ndihmuar në forcimin e monedhës vendase, e cila po forcon pozitat e saj në treg. Java nisi me një vlerësim të lekut ndaj monedhës europiane, ku një euro u këmbye me 139.66 lekë, sipas të dhënave të Bankës së Shqipërisë.

Krahasuar me fundjavën euro u zhvlerësua 0.15 lekë. Monedha e përbashkët rezistoi edhe në ditët e nxehta të gushtit, Por, shtimi i emigrantëve dhe turistëve së fundi, e rriti kërkesën për lekun e në të njëjtën kohë shtoi praninë e euros në vend.

Forcimi i lekut pritet të vazhdojë edhe ditët e arshme, pasi me mbylljen e muajit të ramazanit po rritet fluksi i pushuesve kosovarë. Zhvlerësimi i monedhës europiane u shoqerua me një rritje të lehtë të vlerës së dollarit amerikan. Të hënën ai u kuotua mbi 105 lekë. Ndërsa këtë të shtunë 1 usd u këmbye me 104.3 lekë.

HermesNews - ©2013

Dërgo me email | Stampo artikullin