16/08/2013 12:01:49

Defekti në nënstacion: Tropoja në terr

Nënstacioni i vjetër elektrik, i ngritur në fillim të viteve 70, është mjaft i amortizuar, gjë që shkakton dhe defekte të shpeshta

TROPOJË - Një defekt i rëndë në nënstacionin elektrik të qytetit të Bajram Currit ka lënë në errësirë të gjitha komunat dhe një pjesë të qytetit të Bajram Currit. "Defekti është i rëndë në fidrat 10 kv të nënstacionit të vjetër. Defekti ka ndodhur në mëngjes duke shkaktuar lënien në errësirë të komunave dhe të një pjese të qytetit të Bajram Currit", thotë Agron Hysenaj, përgjegjës i një grupi që është angazhuar për eliminimin e defektit. "Për eleminimin e defektit janë ngritur grupet e punës, por për shkak se defekti është i rëndë puna do të vazhdojë gjithë ditën dhe ndoshta mund të rregullohet në orët e mbrëmjes", shtoi Hysenaj.

HermesNews - ©2013

Dërgo me email | Stampo artikullin