16/08/2013 11:24:22

Standarte të reja të industrisë së peshkimit

Ekspertët e këtij sektori shprehen se ka ardhur koha që t’i rikthehemi një industrie peshkimi me standarde të reja

TIRANE - Investimet në sektorin e përpunimit të peshkut në vend llogariten në mbi 15 milionë euro për ngritjen e stabilimenteve të përpunimit të sardeles dhe aciuges, stabilimente që deri më sot paketojnë peshkun kroat.

Duke punuar si fason, përfitimi i industrisë shqiptare është minimal, ndërkohë që në ujërat tona "flenë" miliona euro pasuri. Ekspertët e këtij sektori shprehen se ka ardhur koha që t’i rikthehemi një industrie peshkimi me standarde të reja. Sipas tyre, ashtu si bujqësia, edhe peshkimi është një invesim i vështirë. Ndaj, pikërisht për këtë, nevojitet mbështjetja e qeverisë.

Ekspertët vlerësojnë se flota nuk mund të krijohet me nismë private. Por krijimi i një pakete mbështetjesh do të ngrinte flotën e peshkimit dhe investimi në peshkim nuk do të ndihmonte vetëm industrinë, por shtimi i peshkut në tregun e brendshëm do të përmirësonte cilësinë e jetesës në vend.

HermesNews - ©2013

Dërgo me email | Stampo artikullin