16/08/2013 11:18:34

Ambasada Holandeze, program për SME-të bujqësore

Program ku jepet mundesia që të përfitohet ndihmë nga Qeveria Holandeze në masen 50% të investimit dhe 50% ortaket/partneret

TIRANE - Ambasada Holandeze në Tiranë dhe Këshilli i Agrobiznesit Shqiptar (KASH) diskutojnë mundësitë e reja të bashkëpunimit dypalësh në fushën e bujqësisë.

Sekretari i dytë i ambasadës Gilles Bauwens, gjatë një takimi që zhvilloi ditët e fundit në zyrat e KASH me drejtorin Ekzekutiv të KASH-it, Gjon Gaspri, diskutuan për mundësitë e reja të bashkepunimit 2013 - 2014 mes KASH-it dhe Ambasades Holandeze.

Bauwens bëri të njohur platformën e disa programeve ku mund të përfitojnë SME-të bujqësore në stade të ndryshme të zhvillimit të tyre. "Për çdo SME në agrobiznes, e cila ka nevojë për ndihmën e një eksperti në fushën e zhvillimit të produktit, strategjive të marketingut, pozicionimit dhe zgjedhjes së tregjeve u shërben Programi i Ekspertit te Larte / Senior Expert Program, tha ai.

Ndërsa "Match Making Facilities"- "Lehtesimi ne Përputhje" është një program tjetër që i sherben bizneseve në zhvillim që kanë një eksperiencë mbi dy-vjecare ne treg dhe kërkojnë klientë të rinj potenciale, pajisje të ndryshme të përshtatshme per linjat e tyre të prodhimit apo një partner për vazhdimesine e biznesit te tyre.

Sipas Bauwens, Private Sector Investment / Investimet ne Sektorin Privat është programi që i vjen në ndihmë të gjithë atyre SME-ve të konsoliduara të cilat janë të interesuara të krijonë Joint-Venture me një kompani holandeze.

Program ku jepet mundesia që të përfitohet ndihmë nga Qeveria Holandeze në masen 50% të investimit dhe 50% ortaket/partneret sipas marreveshjes që mund të realizojnë vetë ata për % e kapitalit të investuar.

HermesNews - ©2013

Dërgo me email | Stampo artikullin