09/08/2013 16:42:55

Durres: del nga rruga kamioni

50-vjeçari ka humbur kontrollin mbi automjetin me targë KR 8703 A kur po udhëtonte në rrugën Maminas – Gjiri i Lalzit

DURRES - Një 50-vjeçar nga fshatrat e Krujës është aksidentuar për vdekje sot në mesditë, kur kamioni që po drejtonte ka dalë nga rruga për motive ende të paqarta. Burime zyrtare nga drejtoria e policisë së qarkut, bënë të ditur se Beqir Stafuka, rreth 50 vjeç, banues në Nikël (Krujë) ka vdekur në vend, kur kamioni që po drejtonte ka dalë nga rruga në afërsi të kompleksit "Lura", rreth 35 km në veri të Durrësit. 50-vjeçari ka humbur kontrollin mbi automjetin me targë KR 8703 A kur po udhëtonte në rrugën Maminas – Gjiri i Lalzit dhe kamioni është përmbysur duke shkaktuar edhe vdekjen e menjëhershme të drejtuesit-thanë burimet e policisë. Ekspertët po punojnë për të sqaruar rrethanat e aksidentit me pasojë vdekjen.

HermesNews - ©2013

Dërgo me email | Stampo artikullin