09/08/2013 16:31:54

Borxhi publik tejkalon 1 miliardë jen ne Japoni

Qeveria pritet të marrë në Shtator vendimin për rritjen ose jo të taksës së konsumit

TOKIO - Borxhi publik japonez sapo ka tejkaluar pragun e një milion miliardë jenëve, ose 7,734 miliardë eurove, ndërkohë që qeveria po ndërmerr masa për kufizimin e këtij deficiti kolosal. Sipas shifrave të publikuara sot nga Ministria japoneze e Financave, borxhi publik i Japonisë arriti në 1,008 milion miliardë jen në fund të qershorit, ndaj shifrës së regjistruar në fund të marsit prej 992 000 miliardë jen.

Borxhi japonez përfaqëson rreth 245 për qind të Produktit të Brendshëm Bruto, sipas Fondit Monetar Ndërkombëtar që u kërkoi për të disatën herë autoriteteve japoneze hartimin e një plani buxhetor në terma të besueshme afatmesme për reduktimin e tij.

Kryeministri konservator japonez, Shinzo Abe mori dje angazhimin për reduktumin e shpenzimeve publike me 8 000 miliardë jenë, ose 62 miliardë euro brenda dy vjetëve, pas nxitjes së zhvillimit të aktivitetit ekonomik në fillim të vitit.

Qeveria pritet të marrë në Shtator vendimin për rritjen ose jo të taksës së konsumit, e cila është aktualisht 5 për qind, do të arrijë në 8 për qind në prill 2014 dhe më pas në 10 për qind në tetor 2015.

Rreth 46,3 për qind e buxhetit japonez nga prilli 2013 deri në mars 2014 financohet nga emetimi i bonove të reja dhe rimbursimi i borxhit aktual gjatë të njëjtit vit, që përbën rreth 24 për qind të shpenzimeve.

HermesNews - ©2013

Dërgo me email | Stampo artikullin