09/08/2013 14:55:25

Ndalohet i riu me drogë në Durrës

Zbulohen pakot e fshehura në bagazh dhe në gomën rezervë të automjetit

DURRËS - Forcat e Policisë së Kalimit Kufitar ndaluan sot në orët e para të ditës një 24 vjeçar nga Shkodra, i cili tentoi të kalonte me traget drejt Italisë një sasi lënde narkotike prej mbi 24 kg canabis sativa. Burime zyrtare nga Drejtoria e Policisë së Qarkut bënë të ditur se Gentian Pelini, 24 vjeç lindur e banues në Gruemirë (Shkodër), është ndaluar pasi gjatë kontrollit në ne automjetin tip Golf me targa AA 720 GN u gjetën 15 pako në formë paraleelpipedi, të mbështjella me natriban. Pakot e fshehura në bagazh dhe në gomën rezervë të automjetit përmbanin sasinë e 24 kg e 105,8 gramëve canabis sativa. Në të njejtën kohë u kotrollua edhe banesa e tij në Gruemirë ku gjetën dy armë zjarri automatike, një pistoletë sportive dhe një pushkë gjahu. Hetimet do të vazhdojnë nga prokuroria e Krimeve të Rënda, përfunduan burimet e policisë së Durrësit.

HermesNews - ©2013

Dërgo me email | Stampo artikullin