08/08/2013 08:09:28

I preku gruan: çifti ther shoferin e kamionit

Kamionisti i preku gruan e sëmurë, burri e plagos

BERAT - 54 vjeçari Refit Shalsi është goditur me thikë brenda kamionit të tij nga një çift. Shalsi ishte i punësuar pranë një firme private dhe kryente rrugën Vlorë - Urë - Vajgurore dhe në fshatin Levan të Fierit, ka marrë në automjetin e tij një çift bashkëshortësh që do shkonte në Berat. Në afërsi të fshatit Polizhan të komunës Poshnje, për shkak të rrugës gruaja është ndjerë keq dhe ka zbritur nga makina. Për t’i ardhur në ndihmë, 54 vjeçari i ka hedhur ujë gruas dhe ka nisur t’i bëjë masazh në pjesën e qafës. Gjesti ka acaruar së tepërmi bashkëshortin e saj, i cili ka filluar të debatojë me shoferin dhe më pas e ka qëlluar me thikë në krah dhe shpatull. Më pas dy bashkëshortët janë larguar në brendësi të fshatit, ndërsa banorët kanë lajmëruar policinë.

HermesNews - ©2013

Dërgo me email | Stampo artikullin